........... رویالار
یوخی گلیر قاچا - قاچا
آت کیمی کیشنیر
ییخیر منی چاپا - چاپا .
یومدورور گوزلریمی
قوجاخلاییر بوینومی
اوننان چوخ چوخ به زارام
الینده اویناتمالیام - روباتام .
***
یوخی داوا یامان داوادی
دئدیلر دردیمه چارادی
مجال وئرمیر اوچی سایام
ایکی یاریمدا قالیر تامام رویام .
اوننان سونرا ....
اولی کیمی بیر زادام .....
***
سئل گله
زلزله اولا
بلا یئنه گویده ن یئره
هش زاد منی اویاتماز
شیناژلی بیر دووارام !
***
یئنه سحر آشا - آشا
دورارام ...........
دیره ک سیز دووارام
پنجره سی یوخ قاپیسی
ائله بیل کارام - لالام
آغزیمداکی زهری
گونده سحر اوتارام .
***
یوخی داوا یاماندی یامان
رویالار دالغاسیندا منی بوغوب
قبیرده ن چیخارداننان سونرا
قوری بیر نفس ده
دیلیمی چکیر دارا .
***
قاچا - قاچا
سئوه - سئوه
چاپا - چاپا گله
داغیدا اتم بمب ایله
گره ک پوزام - یازام
دیله گلیب یارام ........... !
***